Fëmijët e Ekoklubeve të shkollave “Hamit Mullisi” dhe “Sul Misiri” në takim me Komisionin e Mjedisit të Këshillit Bashkiak Elbasan.
Pjesë e projektit #Ekoshkollat për Klimën dhe Mjedisin”, fëmijët e ekoklubeve të shkollave “Hamit Mullisi” dhe “Sul Misiri” zhvilluan një takim të rëndësishëm me Komisionin e Mjedisit, Bujqësisë, Veterinarisë, Pyjeve dhe Menaxhimit të Ujrave të Këshillit Bashkiak Elbasan. Së bashku me mësuesit koordinatorë, fëmijët diskutuan për:
Funksionimin dhe rolin e Komisionit të Mjedisit
Raportimin e rasteve të ndotjes së mjedisit
Ndotjen e lartë të ajrit në zonën e Rapishtes dhe mungesën e gjelbërimit
Përmirësimin e infrastrukturës së shkollës “Hamit Mullisi”
Krijimin e një parku pranë shkollës “Sul Misiri”
Ndarjen e mbeturinave sipas llojit dhe organizimin e aktiviteteve ndërgjegjësuese
Fëmijët kanë hartuar kërkesën për parkun dhe do ta dorëzojnë në Bashki. Ndërsa, shkolla “Hamit Mullisi” do të kërkojë vendosjen e koshave të mbetjeve të ndara sipas llojit.
Save the Children in Albania mbështet me përkushtim iniciativat e fëmijëve për një mjedis më të pastër dhe të qëndrueshëm.
